傻Bi隻腳腫咗

十日前阿bi隻後腳突然腫咗，只用三隻腳行路，佢又唔比人地睇，可能太痛啦．．．

兩日後又好返，一切如常，再過多一星期，佢隻後腳又腫啦，今次真係要帶佢睇獸醫，但係當時係夜晚，好多夜診都full晒，唯有第二日朝早打去book spca，點知最快都要第二日下午，咁都照book咗先啦，好彩果日有人cancel booking，所以阿bi即日有得"zip"位睇dr.~

去到dr.都摸唔到佢咩事，可能阿bi太痛，邊個都唔比摸，dr.開咗d消炎同止痛既葯佢，過幾日覆診就要照x-ray，睇佢係咪骨折喎．．．如果係就話，就即時做埋手術．．．

佢食咗ｄ藥好好多啦，頭兩日都見佢仲有ｄ就住黎行，今日好似好返晒咁，但係尋日同佢沖涼既時侯，摸到佢大腿後面，好明顯有兩粒野，好驚佢生淋巴瘤！真係好膽心......

聽日就帶佢覆診啦，希望佢無事啦！

平安bi 十一歲啦~

24-12-2009.

傻bi話咁快就十一歲仔啦~仲食得跑得跳得，都仲好健康，咁咩大病痛，真係托賴啦～
以後都要健健康康呀～～

打針月

今個月三隻小魔怪都要去見獸醫，BiBi要打三枝針，貓貓要打一枝，多多兩星期前打咗一枝，仲有一枝下個月打。

前幾日帶咗多多去做絕育手術，接佢返去之後睇吓個傷口，以為係身既側邊開刀，因為貓貓之前係喺身既側邊開刀既，點知揾唔到，心諗佢唔係男仔吓麻，無傷口既？！再睇佢個Pat又無野，因為貓公只有一個地方開刀......再揾吓喺邊啦，終於揾到，原來今次開刀既位置係喺個肚度！哇！見到都覺得痛呀陰公......

為食貓真係為食貓，做完手術以為會無胃口啦，點知都仲係咁食得！養咗兩個月，食就食好多，但都好似無咩點大隻到，都唔知ｄ野吸收晒去邊，手術後佢既體重應該會急劇上升，到時就跳都跳唔起喇......XDDDDD

BiBi真叻仔，打咗三枝針都無叫過一聲，出到黎仲食咗人地兩塊餅餅！^=^

狂嘔

今日下午六點幾，阿貓突然嘔咗ｄ糧出黎，之後四十五分鐘內嘔咗廿次都有！真係數住佢！都唔知咩事，見到佢嘔到個肚都笠咗，呼吸急速到好似ｄ人跑完步咁，仲不停流口水！都未見過佢咁既樣架！

到八點又嘔咗兩三嘢，今次嘔咗ｄ野出黎，好似係ｄ線同埋疑似牙纖既物體，有成六七節，之後再無嘔到啦，但都係帶咗佢去睇醫生，打咗枝針同要食葯囉，唉，話極都係要亂咁放野！頂！！

即食即嘔!

貓貓連續五六天都嘔，少則一次，大則嘔足三餐......帶牠看醫生，初步診斷牠應該是食了膠袋，卡在胃部，所以不能消化，吃了糧不久便吐出來......丅_丅
吃了通便油，希望把不能消化的東西痾出來，如果再持續嘔吐，便要開肚做手術！
直至覆診牠都是嘔了一次，還有痾了像膠袋的便便......
再看兩日，沒再嘔便康復了～ :D
希望家人有手尾放好膠袋！！

　　　　　　　　成日坐响度遮住晒！！

　　　　　　　　BI: 點解佢病咗都仲四圍跳跳拃架......

又痾又嘔

回到家，一開門便聞到嗅味，原來bibi又痾又嘔，牠一向很少病......
聽說昨天牠和貓貓夾份偷吃了豬肉乾，之後貓貓便嘔了，估計牠應該是吃了貓貓的嘔吐物，通常貓貓的嘔吐物都是未消化的......
因為bi的精神尚可，還是很為食，又和貓貓追來追去，所以沒即時帶物看獸醫，等妹妹返來便畏物吃藥......
祝bibi身體健康!

可能是世上唯一怕同類的生物

終於都到阿BI啦~ :D
幾時到貓貓呢~ : j

:P

看完有沒有笑了一聲? :P

中秋

16-9-2008.

很久沒有BBQ了......

比比 vs 鸚鵡

22-8-2008.

早上八時，八號風球，難得齊人的一天，所以晚上打邊爐，一早便要幫手到街市買餸......
回到家的時侯巳經是九號風球了，眼見雨不太大，所以帶了傻Bi落街吹吹風~

牠不怕下雨，只怕鸚鵡把牠吹走，當時風不太大，所以牠踩水氹踩得很開心，浸滿牠的腳掌！全身淋濕了，真瀟灑～XDDDDDD

牠對上一次打風落街是三號風球，那次很大風，牠真的企不穩，四隻腳仔好像不受控制，牠唯有企著不動，等風停了，才繼續行，真的很好笑！！！

比比：

打風之麻，洗乜怕，又唔係狗......
(佢唔當自己係狗,所以佢好怕狗.....= =")

Bonus

可能又打風，即是又多一日假～

可以睇奧運！！有很多賽事都因工作而錯過了......

型英帥靚正------BI

今年四月，Bi哥去了觀禮，之後到了尖沙咀吃晚飯，在那裡竞然偶到 "現實版流克"！她還摸了Bi 的頭仔一下！oh my BiBi !!!!! 阿Bi大個仔，咩都唔怕架！嘿！！
個個都說他肥了很多，這又是真的，但不是太多，加上長毛的關係，看起來便更加肥美了～～

Bi : 請問飲Ｄ咩呀？

Bi : 剪咗毛我覺得成個slim咗，對眼精靈咗，條腰同信心都返晒黎～～

oh my cat!!

貓貓這兩年都會咬不同的衣物，毛巾被和毛公仔也是牠愛咬的．．．但牠不只是咬，咬完便吞落牠的金魚肚裡．．．所以也會很小心地放好自己的衣物，但有時放好了，牠又會把衣物咬出來’過口引’，真沒牠辨法．．．


十分鐘前發現的受害手襪．．．上年買給妹妹的．．．丌＿丌




一日後..................XDDDDDDDDDDDDDDDDDDD

命不該絕的花貓...

她.....她的身世.....她就像其他流浪貓一樣，一出世便在街上流浪，應該在她個半月大的時侯，幸好有人發現她的左耳受了傷，於是那位好心人便帶她回家醫治，那個人是繁殖名種貓維生的，所以她都很會為貓醫治，待她好了才為她找戶好人家收養。後來經介紹下花貓來到當時的公司長住，以為這樣便是她的一生，怎知她住了兩個月，我的老闆被她激死了，因為兩個月以來，花貓都是疴爛屎......弄至四周的地方都有污漬，原因是老闆不是餵她幼貓糧，而是餵她成貓糧，他老是這樣做也沒辯法！ 後來他打算把花貓送回給拾她回來的人，怎料那人不會收養她，還叫我們打去spca，這和送她去死有何分別？！之後老闆（在不太情願之下）打算把花貓帶回家養，但他家裡巳有兩隻貓了，而且又不會為她轉幼貓糧，所以我便決定把花貓帶回家，雖然巳有bi在家了，但預期被他的兩頭貓欺負，倒不如到我家試試，bi非常善良，應該不會有太大殺傷力，之後再幫她尋主人吧。
在我家的兩個星期裡，bi跟花貓都是不瞅不睬的，就像陌路人一樣，這樣也好，至少不會自傷殘殺，期間又找不到人收養，時間久了，便決定收留她，始終都不忍送她去spca，萬一沒人收養便完了，但bi是狗，難免會呷醋一陣子，他當時最明顯的症狀就是突然發福！他的身軀發到好像水桶一樣，真膽心，幸好只是一陣子。

有阿BI的日子~

自從牠來了之後,我們也會帶牠出街走走,畢竟小狗都是喜歡戶外的,這幾年也會帶牠去睇燈飾,幸運的是阿BI很乖,出街也不雖用繩拖著,一叫牠的名字便會跑回來,真好~但今年聖誔沒有帶牠出去,不知牠會否不高興呢......另一節目就是BBQ,阿BI最喜愛白面包,一見到你手上有的話,牠的眼睛會發光的!小心呀~牠隨時會跟著你回家~~
阿BI很喜歡拍照,牠會眼定定的望著鏡頭~
很多時和牠用膳後,都會帶牠一起去超市入貨,牠會靜靜的坐著,非常乖,所以我們都鍚到佢燶~~~

阿BI的朋友仔!

前幾年都會帶牠去行山,是神運行的路徑,在那裡也有其他的小狗,阿BI也認識了兩個朋友仔~~
BI: 我係男仔黎架,唔好鍚我呀........
這隻會狂跑的小狗,很難得牠會停下來跟阿BI拍照~~

平安狗!!

記得1999年的平安夜,我相約了朋友逛街,返到家裡便發現巳有一隻小狗在家中!!原來他是阿娘的朋友在樓下發現的,他還說看到牠行來行去好幾偏了,又問過附近的人有無見過他的主人,後來便帶他上在我家......牠當時估計只有三個月大,很瘦,只有四磅.......毛毛非常稀梳,還有非常強烈的'狗除'!!