HannaH: 打針月

今個月三隻小魔怪都要去見獸醫，BiBi要打三枝針，貓貓要打一枝，多多兩星期前打咗一枝，仲有一枝下個月打。

前幾日帶咗多多去做絕育手術，接佢返去之後睇吓個傷口，以為係身既側邊開刀，因為貓貓之前係喺身既側邊開刀既，點知揾唔到，心諗佢唔係男仔吓麻，無傷口既？！再睇佢個Pat又無野，因為貓公只有一個地方開刀......再揾吓喺邊啦，終於揾到，原來今次開刀既位置係喺個肚度！哇！見到都覺得痛呀陰公......

為食貓真係為食貓，做完手術以為會無胃口啦，點知都仲係咁食得！養咗兩個月，食就食好多，但都好似無咩點大隻到，都唔知ｄ野吸收晒去邊，手術後佢既體重應該會急劇上升，到時就跳都跳唔起喇......XDDDDD