mayday@522

　　　　　　　　　　　　　正！！

睇吓d人幾high!!

今年巳經係第三年睇五月天演唱會喇 ，D飛一年貴過一年，亦都一年難撲過一年......= ="
今次坐既位置比上年偏側，睇唔到正中螢幕效果丅＿丅，不過，好彩坐前一排既人好冷靜，好少企喺度睇，我至可以睇得舒服ｄ～今年有唱到好鍾意既"約翰藍儂"同"愛情萬歲"！仲有兩首新歌－"D.N.A."同"放肆"，快ｄ有得聽就好啦！

狂嘔

今日下午六點幾，阿貓突然嘔咗ｄ糧出黎，之後四十五分鐘內嘔咗廿次都有！真係數住佢！都唔知咩事，見到佢嘔到個肚都笠咗，呼吸急速到好似ｄ人跑完步咁，仲不停流口水！都未見過佢咁既樣架！

到八點又嘔咗兩三嘢，今次嘔咗ｄ野出黎，好似係ｄ線同埋疑似牙纖既物體，有成六七節，之後再無嘔到啦，但都係帶咗佢去睇醫生，打咗枝針同要食葯囉，唉，話極都係要亂咁放野！頂！！