三心兩意

最近有幾張畫都開始畫緊，呢張未畫好又想開始畫另一張，有d差少少就完成但又懶得去執......不過呢張算係一氣過搞掂啦，因為呢d 公仔樣唔洗咁detail既~其實係懶~:p

前日買咗乾衣機，而家好窮......丅_丅

亂嚟

開咗本大畫簿，是旦畫個人啦～～

"CHANGE"

返咗新工兩日喇，新公司設備齊全，有兩個大mon，仲有最新既intuos 4，最近都想買架啦，估唔到會喺新公司用到先～要用到既software喺我正式返工之前巳經裝好晒，例如msn，要用到公司既forum同server，相比舊公司就......嘿，等咗好耐至幫你裝個試用版咋......
Pantry有杯麵，橙汁，零食，仲有舊街場既白咖啡呀！全部都係提供比員工架！不過好似無咩人享用咁既......
環境好好，希望可以做得長啦！喃嚒喃嚒喃嚒......

多謝晒:D

28-9-2009.
今日係喺FM lastday啦～lunch去咗食pizza！到六點收工啦，同事送咗好多禮物比我，唔知係咪提早同我做生日呢～有一個好大既松鼠頭咕"筍"，係雙面架！！好鍾意！另外有一個松鼠擺設，整到好似個奬狀咁～哈~仲有一本好大既畫簿呀！！有排畫啦~~仲有一條紫色既格仔圍巾！(岩啦，最近揾咗好耐都揾唔返以前果ｄ圍巾......)好多嘢呀～好彩之前執ｄ嘢都執得七七八八～如果唔係都唔知點拎...真係好多謝佢地呀！咁破費！！丅v丅
我真係要生性呀!!!
嗰日有同事帶咗相機，可以影吓相囉～～～:p

Just "can" say goodbye

好耐都無睇Boyzone既news啦，點知一睇到既時侯就係bad news......:(

雖然唔係Stephen 既 fans（以前迷Ronan多d~ha)，不過覺得佢唱歌好好聽，唔知係咪因為佢係同性戀 既關係，所以唱起歌上黎會柔ｄ，聽落好舒服，有興趣就聽吓啦，有推介架~就係:

-No matter what
-Better
-Every Day I Love You
-Just can't say goodbye (Stephen Gately)

為畫展而畫#3

畫完兩張之後，見有幾晚時間，所以畫多張木色，上色前後感覺差很遠......

為畫展而畫#2

最近好像很忙，都忘了upload畫展的畫，我把這張的重點放在頭髮上，因為她的五官不算美，哈！雖然頭髮幾難畫，但很enjoy~變態！XDDDDD

為畫展而畫#1

某一晚突然收到man sir電話，他說要開畫展了，主題是”由頭開始”，是師生一起參與的，他說今次辦畫展好像欠了些甚麼，就是忘了預我們的份兒，巳經沒上他的堂差不多兩年了，幸好他突然想起我們，所以便立即叫我們畫畫，但離畫展開幕只淨兩星期時間，所以在這段時間，畫得幾多得幾多啦～

呢張係第一幅為畫展而畫既，"由頭開始"比我既印像係，好似bb一出世咁，所有嘢都要由頭開始，所以就決定畫BB喇~
有一樣意料之外既就係，呢張畫可以令到無興趣畫畫同畫畫好多年既人都讚嘆，阿sir既兄弟話畫到好似以前用噴槍畫既感覺，有人就話好想好似呢個BB既皮膚一樣咁滑漏，有ｄ人話收到朋友電話，講呢幅最吸引等等.......不過都要讚吓影呢張bb相既人，可以補捉到BB既神韻~:)

無癮

畫到一半，部腦就壞咗，真係無癮......

relax

6-7-2009.

一行六人本來打算去澳門觀光塔食自助餐，但船票總共千八蚊好似不值，所以改為上深圳按摩同東門......反正都係想一家人出去relax吓姐～

夜晚去咗深圳附近既大漁任食鐵板燒，百五蚊一位，睇住條友喺度炒，又唔洗自己出去拎，都幾舒服呀，不過叫咗佢落少ｄ鹽，仲係覺得咸咗d......仲有狂婦剌身！

瘋狂過後 ，第二晚個胃開始唔舒服，報應呀！！丌＿丌

果六隻好似鴨仔又似蝸牛既野最好食!^o^

MJ Forever

26-6-2009.
當聽到ＭＪ離世的消息，覺得很震驚和可惜，雖然不是ＭＪ的超級fans，但他的歌總會聽，他的新聞總會看，畢竟他是個很有才華的傳奇人物。
中學時代巳經聽到大佬播放ＭＪ的ＣＤ，巳經覺得很正！看到他跳舞，簡直驚為天人，現在只有回味這位巨星的風采......

打針月

今個月三隻小魔怪都要去見獸醫，BiBi要打三枝針，貓貓要打一枝，多多兩星期前打咗一枝，仲有一枝下個月打。

前幾日帶咗多多去做絕育手術，接佢返去之後睇吓個傷口，以為係身既側邊開刀，因為貓貓之前係喺身既側邊開刀既，點知揾唔到，心諗佢唔係男仔吓麻，無傷口既？！再睇佢個Pat又無野，因為貓公只有一個地方開刀......再揾吓喺邊啦，終於揾到，原來今次開刀既位置係喺個肚度！哇！見到都覺得痛呀陰公......

為食貓真係為食貓，做完手術以為會無胃口啦，點知都仲係咁食得！養咗兩個月，食就食好多，但都好似無咩點大隻到，都唔知ｄ野吸收晒去邊，手術後佢既體重應該會急劇上升，到時就跳都跳唔起喇......XDDDDD

BiBi真叻仔，打咗三枝針都無叫過一聲，出到黎仲食咗人地兩塊餅餅！^=^

黑

部電腦用咗五個幾月就shot咗，想拎返去間舖度check，諗住有保養，點知間野摺鬼咗，部機仲買咗唔少錢......之後大佬幫我拎咗去整，結果換咗條Ram + 防毒，整咗四百幾蚊，不過我無諗住比返錢佢！嘿......最多幫佢落舖頭餵多多貓囉~~

mayday@522

　　　　　　　　　　　　　正！！

睇吓d人幾high!!

今年巳經係第三年睇五月天演唱會喇 ，D飛一年貴過一年，亦都一年難撲過一年......= ="
今次坐既位置比上年偏側，睇唔到正中螢幕效果丅＿丅，不過，好彩坐前一排既人好冷靜，好少企喺度睇，我至可以睇得舒服ｄ～今年有唱到好鍾意既"約翰藍儂"同"愛情萬歲"！仲有兩首新歌－"D.N.A."同"放肆"，快ｄ有得聽就好啦！

狂嘔

今日下午六點幾，阿貓突然嘔咗ｄ糧出黎，之後四十五分鐘內嘔咗廿次都有！真係數住佢！都唔知咩事，見到佢嘔到個肚都笠咗，呼吸急速到好似ｄ人跑完步咁，仲不停流口水！都未見過佢咁既樣架！

到八點又嘔咗兩三嘢，今次嘔咗ｄ野出黎，好似係ｄ線同埋疑似牙纖既物體，有成六七節，之後再無嘔到啦，但都係帶咗佢去睇醫生，打咗枝針同要食葯囉，唉，話極都係要亂咁放野！頂！！

see?

南丫島

11-4-09

入南丫島除了食海鮮外，還有一件事要做，就是行山...=_=

唉，無苦又怎會有甜呢，所以頂硬上囉......由於復活節關係，成座山都堆滿人！想起小時后行山時的虛陷，但那時是清明...(啋~)行完山除了熱之外，都沒甚特別，對行山也沒感興趣，Aqua說行完會很精神，我心想，我時想都是這樣的啦～he~

終於食海鮮啦！芝士焗龍蝦超正！（沒影底相，唉）還有炒蟹，如果是膏蟹就perfect了！接著是粉絲扇貝，在我的扇貝中有兩粒肉呀！一粒較少的，但都有正常的一半大，真lucky！呵呵～

晚上返回市區，本來打算看戲，是新上畫的天煞撞正怪怪獸，３ｄ版要一百大元，這都不是大問題，重點是要到港威戲院！上年在這裡看過一次，那個場面積夠大，但不是窄而是長，很多行櫈數，而且又不夠斜，我這高度一定是睇人頭啦！音響效果？不用考慮了，沒想到入戲院看戲，只有螢幕的方向有聲，背後呢？是否喇叭壞了？真不知所謂！入戲院都是想感受大螢幕跟音響配合的效果，比起這個場，在家看還好得多！那晚還要一百元一張飛，no way 啦！！所以我以後都不會再去這間！

後來去到糖朝食糖水，全日都吃了很多，這才夠盡慶！！

南丫島島主！

三枝香！？

海鮮呀海鮮呀！！

還有手信和今年最早收的生日禮物！Thanks!!

09狗狗節

4-5.4.09

今年戴了阿bi去寵物節，自己便連去兩日......都是為了多買一個貓廁所>..<(嗅) 阿bi例牌不敢正視其他大小狗(在他和某人心中全都是怪物!ha)～
買了很多東西，有：
－　貓狗零食
－　貓玩具(兩雙貓都玩都顛咗!!）
－　較大的飲水器
媽子想牠們飲水時可以暢快ｄ....換了幾日後，發覺水沒喝過，才知道牠們不夠力"lam"起那粒走珠，因為走珠大了，所以重了，牠們又不懂用大力"lam"，結果又要換回舊的......唉.......= ="(都叫咗佢唔好買架啦！)
洗了好多錢......丌_丌

招財貓"多多"

　　　　　　　　多多的眼神很和善，應該很乖～:D

24-3-2009.

半年前大佬想在舖頭養隻貓，因為他說在舖很悶......(=_="有野做都話悶，嘿.......)不過我每次落舖都會合眼訓!!XDDD

前幾天在同事口中得知有一小貓正在等人收養，幾經波折才得到貓主人的電話，因為當中相隔四至五個人，之前聽說貓仔只在浴室暫住，就覺得陰公囉.....所以當晚便打給貓主，她是個婆婆，相約第二晚便接牠走了～

第二晚，搭車途中婆婆打來，說幾個月前因為有老鼠，所以當日放了老鼠膠出來，但忘記收起才放貓咪出來走走，不小心被貓咪的尾，兩只後腳，險都痴到老鼠膠......

接了她到舖頭，看牠身型，估計巳有半歲至八個月，非常瘦和非常污糟！(因為婆婆的屋也很亂又污糟...)老鼠膠還痴在幾個部位，牠的尾巴有四份三都被老鼠膠黏著！唉，牠一定很不舒服了，不停在咬腳和尾......當晚趁牠還未熟識新環境，不敢亂走時，便幫牠剪了些痴了膠的毛，但老鼠膠太惡搞了，要等假日才帶牠到寵物店沖涼！還有一問題，就是不能肯定牠是男還是女，聽婆婆說牠是貓女，但看牠的樣多，很似貓仔呢......

第三天，牠開始黎料，八卦是動物的本性，牠爬上閣樓，但沒法走回下層，要大佬拯救牠，之後便把上閣樓的通道關起了！還有，証實了牠是囡囡來的～我喜歡貓女多過貓仔，因為貓女比較痴人和聽話～

第四天，沖乾淨涼，腳後的毛剃走了，又香噴噴～哈！

要替牠攺個名了，大家都提議很多名字：粒粒，小白，嵐嵐，喵喵，大咪，小咪......太多了!因為太多名的關係，所以便叫牠做"多多"，媽子和嫂嫂都說好意頭～但大佬堅持叫牠做大咪......(哼!唔理佢!!)

long time no draw

大年初一

同往年一樣，一早入到粉嶺拜年，其中有一樣唔同咗既係，Lucky巳經做咗狗醫生啦，唔怪得一入到去佢吠都唔吠吓啦～比著以前，未見影就先聽聲啦～ＸＤＤＤＤ

由於任玩唔嬲，所以同佢著咗件佢唔太想著既淨白色底衫！XDDDDDD

山水有相逄

^///^
"痾the Batssssss"

十二月

哇!好耐無update啦，ｄ開心嘢一定要記返底先～

12月24日
平安夜，全公司放假，約埋一班怪獸上Aqua姐屋企打邊爐，玩到點幾至走，打攪晒啦～hehe
當晚有人整欄野......
首先有人扭欄咗個打邊爐既gas制，呢ｄ古董無得配架啦～XDDDD
之後有人以為個茶几係張櫈，一嘢坐咗落去，好彩無跌親......
仲有......我差ｄ拆咗人地個窗，"啪"一聲，我都嚇親......= ="

　　　　　　　　　　　一人一隻，唔洗掙，多謝！！！

12月27日

帶咗阿Bi入西貢漁排燒野食，個漁排浮吓浮吓，都幾得意，又唔太多人，幾舒服～

夜晚走果陣都咪話唔驚，响個海度，坐住隻艇仔，又無燈，又無人，又唔識游水，好似坐緊大飛咁......

12月31日

收咗工，即興出去倒數，諗住睇返場戲再倒數，點知好多間戲院都full晒，最後買咗１２點睇《荒失失奇兵2》，就咁大家响戲院入面靜靜咁同自己倒數咗啦......XDDDD

大吉大利

有一籃吉仔放在廚房地下，第一天，Bi仔擔了一隻吉上我的床，吉皮牠吃了，吉肉還在被上= ="
第二天，牠的床仔有一粒吉，未吃的，媽媽的床有三粒吉，我的床......有六粒吉!!!!牠食了吉皮便傻了......