家有囍事2010

2-1-2010.

大佬結婚，佢上頭果晚，舅母上咗黎屋企訓，佢訓阿媽張床，唔通要阿媽訓廰咩，所以果晚做咗廳長......果晚三點幾至訓，結果就眼光光到天光= =
當日未夠七點就起身，就落咗觀塘買西餅招呼ｄ兄弟姊妹，順個便慳咗個超級三文治既早餐～個餐都好大份吓，ｄ包上面落咗ｄ香草，好香好好食呀！如果可以一星期食一次就好喇～
當晚既甜品係腰果露丸子，我想食好耐架啦，當我拎起個"瓷更"想"不"落去既時侯，阿媽就叫我地幫手送客，我心諗返黎至食，點知一企就企咗幾個字，返到去連枱都執埋啦！十個頂呀！！哼....真係一個好大既遺憾囉........邊個陪返碗腰果露比我呀......丅^丅
返到屋企個頭真係痛到爆咁濟，因為之前果晚無訓過，姐係有成三十八個鐘頭無訓啦！都未試過咁......訓到第二朝個頭都仲係好痛，要食粒藥至得，果晚都有出街，行咗一陣都仲係好攰，街都唔想行，嘢都唔想睇喇，都係快ｄ返屋訓攤吓......